ŞƏHRİYAR MƏMMƏDYAROV NÜFUZLU “FİNET OPEN” TURNİRİNDƏ 5-Cİ YERİ TUTMUŞDUR
Bakı, 1 avqust (AZƏRTAC). Azərbaycanlı qrossmeyster Şəhriyar Məmmədyarov Mayntsda şahmat festivalı çərçivəsində keçirilən “FİNet OPEN” turnirində 5-ci yeri tutmuşdur.
Həmyerlimiz 263 şahmatçının iştirak etdiyi nüfuzlu turnirdə 11 görüşdə 8,5 xal yığaraq ilk beşlikdə yer almışdır.
Beynəlxalq qrossmeyster Vüqar Həşimov (7,5xal) 27-ci, Sərxan Həşimov (7 xal) 61-ci, Namiq Quliyev (6,5xal) isə 62-ci pillədə qərarlaşmışdır.
Turnirin qalibi isə Rusiya şahmatçısı Aleksandr Qrişuk (9,5 xal) olmuşdur.
Qata Kamski (ABŞ) və Rüstəm Kasımcanov (Özbəkistan) hər biri 9 xalla 2-3-cü yerləri bölüşmüşlər.
Bölmənin digər xəbərləri
