Sentyabrda 14 nəfəri ilan çalıb, 12 nəfər isə göbələkdən zəhərlənib
Bakı, 2 oktyabr, AZƏRTAC
Sentyabr payız ayı olsa da, ayrı-ayrı günlərdə havaların isti keçməsi nəticəsində ilan sancması halları xeyli çox olub. Ötən ay ilan sancması ilə əlaqədar 14 müraciət daxil olub. Zərərçəkənlərə ilkin yardım göstərilərək onların hamısının həyatı xilas edilib.
Bu barədə AZƏRTAC-a Bakı şəhər Kliniki Tibbi Mərkəzin toksikologiya şöbəsinin baş həkimi Azər Maqsudov məlumat verib.
Baş həkimin verdiyi məlumata görə, avqust ayında dərman zəhərlənməsi ilə əlaqədar 68, sirkə turşusundan 36, spirtli içkidən 7, anafilaktik şokla əlaqədar 3, allergiyadan 3, göbələklə qidalanmadan 12 zəhərlənmə halı olub. Ay ərzində botuluzmlə əlaqədar 6 müraciət edilib.
Zərərçəkənlərin 63-ı kişi, 63-i qadın, 23-i uşaq olub.
Bölmənin digər xəbərləri
