Serbiyanın ən titullu klubunun yeni baş məşqçisi məlum olub
Bakı, 22 dekabr, AZƏRTAC
Serbiyanın ən titullu klubu olan “Srvena Zvezda”nın yeni baş məşqçisi müəyyənləşib.
AZƏRTAC Belqrad təmsilçisinin rəsmi saytına istinadla xəbər verir ki, komanda Deyan Stankoviçə tapşırılıb. Serbiyalı mütəxəssislə imzalanmış müqavilənin detalları açıqlanmayıb.
Qeyd edək ki, məşqçiliyə “Srvena Zvezda”da başlayan D. Stankoviç 2019-cu ilin dekabrından 2022-ci ilin avqust ayınadək bu komandaya rəhbərlik edib. Bu müddət ərzində o, paytaxt təmsilçisinə 3 dəfə Serbiya çempionluğunu, 2 dəfə isə ölkə kubokunu qazandırıb.
Təcrübəli mütəxəssis son olaraq Rusiyanın “Spartak” (Moskva) komandasının baş məşqçisi olub.
Bölmənin digər xəbərləri
