Şərqşünas alimin Xocalı soyqırımı ilə bağlı məqaləsi Özbəkistan saytında dərc olunub
Bakı, 26 fevral, AZƏRTAC
AMEA akademik Ziya Bünyadov adına Şərqşünaslıq İnstitutunun aparıcı elmi işçisi tarix üzrə fəlsəfə doktoru Sübhan Talıblının “Xocalı soyqırımı: bəşəriyyətin ən qanlı faciələrindən biri” sərlövhəli məqaləsi Özbəkistanın fikr.uz saytında rus dilində dərc olunub.
Bu barədə AZƏRTAC-a institutdan məlumat verilib. Bildirilib ki, məqalədə XX əsr boyu ermənilərin azərbaycanlılara qarşı törətdikləri soyqırımları haqqında məlumat verən müəllif Xocalı faciəsindən ətraflı bəhs edir. Xocalıda insanlığa qarşı cinayətlərin kimlər tərəfindən və necə törədildiyindən yazan Sübhan Talıblı soyqırımının acı nəticələri barədə məlumat verir. Qanlı hadisələri törədən cinayətkarlardan bir qisminin bu cinayətkar əməlləri, etirafları qeyd olunan yazıda Xocalı soyqırımının dünyanın aparıcı informasiya vasitələrində işıqlandırılması, bu faciəni tanıyan ölkələr barədə də məlumat verilir.
Bölmənin digər xəbərləri
