“Səs” qəzetinin redaksiyasında Xocalı soyqırımının 19-cu ildönümünə həsr edilmiş “dəyirmi masa” keçirilmişdir
Bakı, 16 fevral (AZƏRTAC). “Səs” qəzetinin redaksiyasında Xocalı soyqırımının 19-cu ildönümünə həsr edilmiş “dəyirmi masa” keçirilmişdir.
AZƏRTAC xəbər verir ki, qəzetin baş redaktoru Bəhruz Quliyev çıxışında 1992-ci ilin fevralında ermənilərin Xocalıda dünyanı dəhşətə gətirən soyqırımı törətdiyini bildirmişdir.
Milli Məclisin deputatları və faciənin canlı şahidləri isə bu tarixin özü ilə gətirdiyi fəsadları xatırlatmışlar. Qeyd olunmuşdur ki, Prezident İlham Əliyevin tapşırığı ilə son illər Xocalı soyqırımının bütün dünyada tanınması istiqamətində geniş ideoloji iş aparılır.
Bildirilmişdir ki, Azərbaycanın birinci xanımı, Heydər Əliyev Fondunun prezidenti, YUNESKO-nun və İSESKO-nun xoşməramlı səfiri, Milli Məclisin deputatı Mehriban xanım Əliyevanın və Fondunun vitse-prezidenti Leyla Əliyevanın xüsusi səyləri nəticəsində bütün dünyada Azərbaycan həqiqətləri, Xocalı soyqırımı haqqında kitablar yayılır, filmlər nümayiş olunur. Faciənin soyqırımı kimi tanınması istiqamətində “Xocalıya ədalət” kampaniyası davam etdirilir.
Bölmənin digər xəbərləri
