Si Cinpin Çinin Qansu əyalətində geniş xilasetmə əməliyyatının aparılmasını əmr edib
Bakı, 8 avqust, AZƏRTAC
Çin Xalq Respublikasının Prezidenti Si Cinpin, şimal-qərbdəki Qansu əyalətində leysan yağışların səbəb olduğu gözlənilməz daşqınlar nəticəsində 10 nəfərin həlak olması və 33 nəfərin itkin düşməsindən sonra hərtərəfli xilasetmə işlərinin başlanması göstərişini verib.
AZƏRTAC xəbər verir ki, bu barədə CCTV dövlət televiziyası cümə günü məlumat yayıb.
“Avqustun 7-dən bəri davam edən leysan yağışlar Yuyçjun qəzasında, Qansu əyalətinin Lançjou şəhərində və digər yerlərdə dağ sellərinə səbəb olub. Avqustun 8-də 10 nəfər həlak olub, 33 nəfər itkin düşmüş hesab edilir”, - deyə CCTV məlumat yayıb.
Çinin Milli Meteorologiya Mərkəzi (NMC) avqustun 4-də qeyd edib ki, güclü yağıntıların gözlənilməsi ilə əlaqədar Pekin hakimiyyəti şəhərin beş rayonunda ən yüksək təhlükə səviyyəsi elan edib.
Bölmənin digər xəbərləri
