ŞİMALİ OSETİYA HÖKUMƏTİNİN SƏDRİ AVTOMOBİL QƏZASINA DÜŞMÜŞDÜR

01.12.2005 [14:24]
Çap et
A⁺ A^-

AZƏRTAC “İnterfaks” agentliyinə istinadla xəbər verir ki, Şimali Osetiya hökumətinin sədri Aleksandr Merkulov dekabrın 1-nə keçən gecə avtomobil qəzasına düşmüşdür. Kabarda-Balkariya Respublikası DİN-in məlumatına görə, qəza hökumət başçısı Nalçikə ezamiyyətdən Vladiqafqaza qayıdarkən baş vermişdir. Onun getdiyi “Mercedes” avtomobili yoldan çıxaraq ağaca çırpılmışdır.

İlkin məlumata görə, qəza, sürücünün maşını idarə edə bilməməsi nəticəsində baş vermişdir.

Merkulov ayağı sınmış vəziyyətdə və qapalı kəllə-beyin zədəsilə Nalçikdə xəstəxanaya qoyulmuşdur. Həkimlər onun həyatı üçün təhlükə olmadığını bildirirlər.

Merkulovun mühafizəçisi hadisə yerindəcə həlak olmuşdur. Mühafizə batalyonu komandirinin müavini isə xəstəxanaya aparılarkən keçinmişdir. Sürücü xəsarət almamışdır.

Merkulov son vaxtlar Rusiyada avtomobil qəzasına düşən ikinci hökumət başçısıdır. Noyabrın axırlarında Çeçenistan Respublikası hökumətinin sədri Sergey Abramov Moskvada qəzaya düşmüşdü və indiyədək xəstəxanadadır.

ŞİMALİ OSETİYA HÖKUMƏTİNİN SƏDRİ AVTOMOBİL QƏZASINA DÜŞMÜŞDÜR

MÜƏLLİFLƏ ƏLAQƏ

Bölmənin digər xəbərləri