Sinoptiklərdən xəbərdarlıq: Havanın temperaturu 10 dərəcəyədək enəcək
Bakı, 24 oktyabr, AZƏRTAC
Sinoptiklər hava şəraitinin kəskin dəyişəcəyi ilə bağlı xəbərdarlıq ediblər.
Ekologiya və Təbii Sərvətlər Nazirliyinin Milli Hidrometeorologiya Departamentindən AZƏRTAC-a bildiriblər ki, oktyabrın 26-dan 27-si gündüzədək ölkə ərazisində havanın temperaturu ötən günlərlə müqayisədə 10°-dək enəcək. Arabir yağış yağacağı, bəzi yerlərdə intensiv və güclü olacağı, dağlıq ərazilərdə qara keçəcəyi gözlənilir. Dağlıq və dağətəyi rayonlarda dolu düşəcəyi ehtimalı var. Qərb küləyi əsəcək, bəzi yerlərdə arabir güclənəcək. Çaylarda sululuğun artacağı, bəzi dağ çaylarında qısamüddətli daşqın və sel olacağı gözlənilir.
Bakıda və Abşeron yarımadasında da havanın temperaturunun 5-10 ° enəcəyi, güclü şimal-qərb küləyinin əsəcəyi proqnozlaşdırılır.
Bölmənin digər xəbərləri
