SİQARETÇƏKMƏ İLƏ ÜMUMDÜNYA MÜBARİZƏ GÜNÜ AZƏRBAYCANDA DA QEYD OLUNACAQ

27.05.2004 [19:24]
Çap et
A⁺ A^-

Hər il mayın 31-də qeyd edilən siqaretçəkmə ilə ümumdünya mübarizə günü Azərbaycanda maarifçilik xarakterli bir sıra tədbirlər keçiriləcəkdir. Həmin gün televiziya kanallarında siqaretə aludəçiliyin, o cümlədən passiv siqaretçəkmənin ağır nəticələrindən bəhs edən reklam klipləri göstəriləcək, gənclər təşkilatları nümayəndələrinin iştirakı ilə seminarlar təşkil olunacaqdır.

Dünya Səhiyyə Təşkilatının (DST) Bakı nümayəndəliyindən AZƏRTAC-ın müxbirinə bildirmişlər ki, siqaretçəkmə ilə mübarizə üzrə Avropa strategiyasına qatılmış Azərbaycanda ardıcıllıqla həyata keçirilən bu strategiyanın əsas prinsipi zərərli vərdiş barədə ictimaiyyətin məlumatlılığı səviyyəsini yüksəltməkdən ibarətdir.

DST mütəxəssislərinin hesablamalarına görə, siqaretçəkmənin nəticələrinin doğurduğu xəstəliklərdən hər il dünyada təqribən 4 milyon insan ölür.

SİQARETÇƏKMƏ İLƏ ÜMUMDÜNYA MÜBARİZƏ GÜNÜ AZƏRBAYCANDA DA QEYD OLUNACAQ

MÜƏLLİFLƏ ƏLAQƏ

Bölmənin digər xəbərləri