Şirvanda vətəndaşların dini məsələlərlə bağlı müraciətləri dinləniləcək
Bakı, 18 yanvar, AZƏRTAC
Dini Qurumlarla İş üzrə Dövlət Komitəsinin sədri Mübariz Qurbanlı yanvarın 23-də Şirvan şəhəri, Hacıqabul, Salyan, Neftçala, Biləsuvar və Cəbrayıl rayonlarından olan vətəndaşları qəbul edəcək.
Dövlət Komitəsinin mətbuat xidmətindən AZƏRTAC-a bildirilib ki, qəbul saat 11:00-da “Şirvan Gənclər evi”ndə (ünvan: Şirvan şəhəri, Naxçıvan küçəsi, 1B) keçiriləcək.
Komitənin fəaliyyət istiqamətlərinə uyğun olaraq qəbula gəlmək istəyən vətəndaşlardan Dövlət Komitəsinin Şirvan bölgəsi üzrə şöbəsinə (Əlaqə vasitələri: (021) 215-21-30, (070) 220-00-20, [email protected], [email protected]) müraciət etmələri xahiş olunur.
Bölmənin digər xəbərləri
