Şirvanda yük qatarlarının hərəkəti bərpa olunub
Bakı, 22 iyun, AZƏRTAC
Azərbaycan Dəmir Yolları QSC (ADY) Şirvanda yük avtomobilinin dəmir yolu ötücüsünə ciddi zərər yetirməsi səbəbindən məhdudlaşdırılan hərəkəti bərpa edib.
ADY-dən AZƏRTAC-a bildirilib ki, iyunun 20-də axşam saatlarında Şirvanda “Mercedes” markalı 90 JT 063 nömrəli yük avtomobilinin sürücüsü dəmir yolu ötücüsünə yaxınlaşarkən hündürlüyün məhdudlaşdırılması ilə bağlı yol nişanının tələblərinə məhəl qoymayaraq hərəkəti davam etdirmiş, nəticədə yük avtomobili yol ötürücüsündə aşırımlara ilişərək dəmiryol infrastrukturuna ciddi zərər vurmuşdu. Nəticədə həmin ərazidə yük qatarlarının hərəkəti tam məhdudlaşdırılmışdı.
Hadisədən dərhal sonra qatarların hərəkətinin bərpası istiqamətində ADY tərəfindən operativ tədbirlər görülüb, əlavə yol çəkilib.
Yük qatarlarının hərəkəti iyunun 22-də saat 11:30-dan etibarən bərpa olunub.
Bölmənin digər xəbərləri
