“ŞİRVANOYL” PROQNOZDAN 3978 TON ARTIQ NEFT HASİL ETMİŞDİR
“Kürovdağ” yatağında neft quyularının istismarı ilə məşğul olan “Şirvanoyl” müştərək müəssisəsi cari ilin yanvar-may aylarında 106 min 368 ton, yəni proqnozdan 3 min 978 ton çox neft hasil etmişdir.
Dövlət Neft Şirkətindən AZƏRTAC-ın müxbirinə bildirmişlər ki, müştərək müəssisə ilin ilk beş ayında təhvil tapşırığını kəsirlə yerinə yetirmiş, Magistral Neft Kəmərləri İdarəsinə 100 min 850 ton əvəzinə 100 min 232 ton neft verə bilmişdir.
“Şirvanoyl” ötən beş ay ərzində həmçinin respublikadan kənara 29 min 895 ton xam neft ixrac etmişdir.
Bölmənin digər xəbərləri
