Son 15 ildə 6,5 milyarda yaxın balıq yetişdirilərək su hövzələrinə buraxılıb
Bakı, 12 iyul, AZƏRTAC
Su hövzələrində bioloji resursların artırılması istiqamətində son 15 ildə 6,5 milyarda yaxın balıq, o cümlədən nərəcinsli və qızıl balıq körpələri yetişdirilərək su hövzələrinə buraxılıb.
Ekologiya və Təbii Sərvətlər Nazirliyinin Su Hövzələrində Bioloji Resursların Artırılması və Mühafizəsi Departamentinin AZƏRTAC-a verdiyi məlumata əsasən, xıllı nərə balıqartırma zavodunda süni yetişdirilmiş müxtəlif yaş qrupuna mənsub nərəcinsli balıqlardan ibarət təmir-törədici fond yaradılıb. Artıq burada süni yetişdirilmiş ana balığı öldürmədən cərrahi əməliyyat vasitəsilə alınmış kürüdən balıq körpələri yetişdirilir. Bununla da dənizdəki ana balıq qıtlığından asılılıq getdikcə azalır.
Bölmənin digər xəbərləri
