Son 4 ildə Sabirabadda 133 min tut tingi əkilib
Sabirabad, 10 dekabr, Mahir Babayev, AZƏRTAC
Sabirabadda baramaçılığın əvvəlki şöhrətinin qaytarılması istiqamətində mühüm tədbirlər həyata keçirilir. Bu məqsədlə rayonda yeni tut bağları salınır, ipəkqurdunun bəslənməsi üçün tikililər inşa olunur.
Rayon Dövlət Aqrar İnkişaf Mərkəzindən AZƏRTAC-ın bölgə müxbirinə bildirilib ki, rayonda baramaçılığın inkişafına xüsusi diqqət yetirilir. Son 4 ildə rayonun ayrı-ayrı yaşayış məntəqələrində 133 min ədəd tut tingi əkilərək kümçülərə təhkim edilib. Tinglərdən 60 mini 2016-cı, 8 mini 2017-ci, 11 mini 2018-ci, 54 mini isə 2019-cu ildə əkilib. Bu il isə rayonda 9 min ədəd tut tingi əkilməsi nəzərdə tutulub. Artıq tinglərdən 7900 ədədi rayona gətirilib. Yaxın günlərdə daha 1100 ting alınacaq. Tinglərin rayonun Güdəcühür, Qasımlı, Qaralar və digər kəndlərdə əkilməsi nəzərdə tutulub. Yeni tinglərin əkini ilə yanaşı, mövcud tut bağlarına da qulluq göstərilir, suvarılır, mühafizəsi üçün qoruyucu zolaqlar çəkilir.
Qeyd edək ki, ötən il sabirabadlı kümçülər 10 min tondan çox barama istehsal ediblər.
Bölmənin digər xəbərləri
