SOYQIRIM ABİDƏSİ ÖNÜNDƏ ÜMUMŞƏHƏR MİTİNQİ
Mingəçevirdə ucaldılmış azərbaycanlıların soyqırımı və deportasiyası xatirə kompleksi qarşısındakı meydanda ümumşəhər mitinqi olmuşdur. İcra hakimiyyətinin başçısı Məhəbbət Qarabağlı “Tariximizin qanlı 31 mart 1918-ci il səhifəsi və onun ibrət dərsləri” mövzusunda nitq söyləmişdir. O, tariximizin qaranlıq səhifələrinin üzə çıxarılmasında, milli faciələrimizə həqiqi hüquqi-siyasi qiymət verilməsində Azərbaycan Prezidenti Heydər Əliyevin misilsiz xidmətlərini xüsusi qeyd etdi.
Respublikanın xalq artisti Zülfüqar Abbasovun “Ruhların qiyamı” musiqili-ədəbi rekviyeminin sədaları altında soyqırım qurbanlarının xatirəsi yad edilmiş, abidə önünə əklillər qoyulmuş, şəhid məzarları üstünə tər qərənfillər düzülmüşdür.
X X X
Abidə önündə ümumtəhsil məktəbləri şagirdlərinin soyqırım gününə həsr olunmuş açıq dərsi keçirilmişdir.
Şagirdlər ermənilərin öz himayədarlarının hərbi-siyasi köməyi ilə xalqımızın başına gətirdiyi faciələrin bir əsr davam etmiş müxtəlif dövrləri haqqında məruzə etmişlər.
Bölmənin digər xəbərləri
