Stokholmda Xocalı faciəsinin 21-ci ildönümü ilə bağlı aksiya keçirilmişdir
Bakı, 23 fevral (AZƏRTAC). İsveçrə Krallığında yaşayan azərbaycanlıların Xocalı soyqırımı ilə bağlı təşkilat komitəsi fevralın 23-də Stokholmun mərkəzində, parlament binasının qarşısındakı meydanda Xocalı faciəsinin 21-ci ildönümü ilə əlaqədar kütləvi aksiya keçirmişdir.
Təşkilat Komitəsindən AZƏRTAC -a bildirmişlər ki, meydanda bu qanlı soyqırımının dəhşətlərini əks etdirən lövhələr, fotoşəkillər və stendlər quraşdırılmışdır. Aksiya zamanı meydana toplaşmış soydaşlarımız qanlı Xocalı faciəsini Ermənistan tərəfindən Azərbaycan xalqına qarşı soyqırımı kimi tanımaqla bağlı İsveç parlamentinə ünvanlanmış qətnamənin mətnini qəbul etmiş, erməni faşistlərin beynəlxalq tribunal qarşısında cavab verməsinə dair şüarlar səsləndirmişlər.
Bölmənin digər xəbərləri
