Strasburqda yəhudi xatirə abidəsi dağıdılıb
Bakı, 2 mart, AZƏRTAC
Fransanın Strasburq şəhərindəki qədim sinaqoqun yaxınlığında yəhudi xatirə abidəsi dağıdılıb.
AZƏRTAC BBC-yə istinadla xəbər verir ki, bu barədə şəhər rəhbərliyi məlumat verib. Abidə İkinci Dünya müharibəsi zamanı öldürülən yəhudilərin xatirəsinə qoyulmuşdu.
Qeyd edək ki, fevralın 19-da Alzas regionunda yəhudi qəbiristanlığında 80-ə yaxın qəbir dağıdılmışdı. Həmin gün ölkədə antisemitizm əleyhinə keçirilən kütləvi nümayişə Prezident Emmanuel Makron, Senatın sədri Jerar Larşe, Milli Assambleyanın sədri Rişar Ferran da qatılmışdılar. Yerli mətbuat 2018-ci ildə Fransada antisemitizm aktlarının artdığını bildirir.
Bölmənin digər xəbərləri
