SUALTI KƏMƏR ÜÇÜN 1562 ƏDƏD BORUYA BETON ÜZLÜK ÇƏKİLMİŞDİR
“Xəzərdənizneftqaztikinti” Trestinin dəmir-beton məmulatı zavodunda Neft daşları və “Bahar” yataqlarından sahilə çəkiləcək ikinci sualtı qaz kəməri üçün nəzərdə tutulan 20 düyümlük borulara beton üzlük çəkilməsi işi davam etdirilir.
İndiyədək 1562 ədəd boruya üzlük çəkilmişdir. Bu hesabla artıq kəmərin 18 min 744 metrlik hissəsi üçün boru hazırdır.
Kəmərin çəkilişinə isə yazın əvvəllərində başlanacaqdır. Xatırladaq ki, 10034 borudan ibarət 68 kilometrlik bu qaz kəməri cari ildə Azərbaycan Dövlət Neft Şirkətinin əsas buraxılış obyektlərindən biridir.
Bölmənin digər xəbərləri
