SUMQAYIT BƏLƏDİYYƏSİNİN YENİ NAİLİYYƏTLƏRİ
Həmkarlar ittifaqı komitəsinin sədri Fəxrəddin Əfəndiyev, Ədliyyə Nazirliyinin bələdiyyələrə metodoloji yardım və bələdiyyələrlə iş mərkəzinin rəisi Mehdi Səlimzadə, Məmmədəmin Rəsulzadə adına qəsəbə bələdiyyəsinin sədri Mehdi Əliyev, Sumqayıt ictimaiyyətinin nümayəndələri təqdimetmə mərasimində çıxış edərək, şəhər bələdiyyəsini qazandığı nailiyyətlər münasibətilə təbrik etmişlər. Yerli idarəetmənin formalaşmasında, şəhərin abadlaşdırılmasında, əhalinin aztəminatlı təbəqələrinə yardım göstərilməsində, veteranlar, idmançılar, tələbələr üçün xüsusi təqaüdlər təsis olunmasında Sumqayıt bələdiyyəsinin rolu və iştirakı müsbət qiymətləndirilmişdir.
Sumqayıt bələdiyyəsinin sədri Zakir Fərəcov bələdiyyənin fəaliyyətinin perspektivlərindən danışmış, onun bütün təşəbbüslərinə şəhər icra hakimiyyətinin köməyindən razılığını bildirmişdir.
