Sumqayıt yolu qismən bağlanacaqdır VİDEO
Bakı, 13 may (AZƏRTAC). Mayın 13-də axşam saatlarında Bakı-Sumqayıt yolu nəqliyyat vasitələri üçün qismən bağlanacaqdır.
Nəqliyyatı İntellektual İdarəetmə Mərkəzindən AZƏRTAC-a verilən məlumata görə, yol cizgiləri xətlərinin, piyada keçidlərinin və yol göstərici xətlərin yenidən rənglənməsi məqsədilə saat 22:00-dan etibarən Bakı-Sumqayıt yolunun 6-cı kilometrindən 11-ci kilometrinə qədər olan hissəsində nəqliyyat vasitələrinin hərəkəti qismən məhdudlaşdırılacaqdır.
Sürücülərə bunu nəzərə almaları tövsiyə olunur.
Bölmənin digər xəbərləri
