SUMQAYITDA QİÇS-LƏ MÜBARİZƏ ONGÜNLÜYÜ KEÇİRİLİR

02.12.2005 [20:57]
Çap et
A⁺ A^-

Sumqayıtda immun çatışmazlığı virusuna (İÇV) yoluxan 50 adam qeydiyyata alınmışdır ki, onların da 37-si kişi, 16-sı qadındır. Beş ailə tamamilə bu bəlaya yoluxmuşdur. Bunu AZƏRTAC-ın müxbirinə şəhər Gigiyena və epidemiologiya mərkəzinin direktoru Solmaz Hüseynova bildirmişdir. Onun sözlərinə görə, QİÇS-ə ilk yoluxma halı 1998-ci ilin yanvarında aşkara çıxarılmışdır. Bu ilin 11 ayında 15 min adam QİÇS-lə bağlı müayinədən keçmişdir. Şəhərdə anonim kabinet fəaliyyət göstərir.

Dünya Səhiyyə Təşkilatının qərarına görə, hər il dekabrın 1-i dünyada QİÇS-lə mübarizə günü kimi qeyd olunur. Azərbaycanda 1997-ci ildən etibarən dekabrın 1-10-da QİÇS-lə mübarizə ongünlüyü keçirilir. Ongünlük çərçivəsində Gənclər, idman və turizm işləri baş idarəsi ilə birgə hazırlanmış plan üzrə şəhərin bütün orta və ali təhsil müəssisələrində tematik filmlərə baxış keçirilir, görüşlər, söhbətlər təşkil olunur. Şəhər qəzetinin səhifələrində, habelə yerli televiziya ilə yanlış həyat tərzinin doğurduğu və əsrimizin bəlası olan bu dəhşətli xəstəliyə gətirib çıxaran problemlərin işıqlandırılması üzrə maarifləndirmə işi aparılır.

SUMQAYITDA QİÇS-LƏ MÜBARİZƏ ONGÜNLÜYÜ KEÇİRİLİR

MÜƏLLİFLƏ ƏLAQƏ

Bölmənin digər xəbərləri