SUMQAYITDA UŞAQLARIN BAYRAMI QEYD OLUNMUŞDUR
Kimyaçıların Səməd Vurğun adına Mədəniyyət sarayı həmin gün sumqayıtlı uşaqların ixtiyarına verilmişdi. Şəhər icra hakimiyyətinin başçısı Vaqif Əliyev çıxışında uşaqları, tərbiyəçiləri, valideynləri bayram münasibətilə təbrik etmiş, Azərbaycanın ümummilli lideri Heydər Əliyevin böyüməkdə olan nəslin tərbiyəsinə və inkişafına daim böyük qayğı göstərdiyini xatırlatdı. O, ümidvar olduğunu bildirdi ki, uşaqların sağlam, xoşbəxt və ölkəsinin layiqli vətəndaşı kimi böyüməsi, valideynlərinin ümidlərini doğrultması üçün hamı əlindən gələni edəcəkdir.
İcra hakimiyyətinin başçısı dedi ki, təkcə may ayında şəhərdə müxtəlif qurğularla təchiz olunmuş 20-dən çox uşaq idman meydançası istifadəyə verilmişdir. Yay tətili dövründə hər məhəllədə, hər mikrorayonda bu cür meydançalar tikiləcəkdir.
Sonra məktəbəqədər uşaq müəssisələrinin tərbiyəçiləri “Nağıllar aləmində” tamaşasını göstərdilər.
Ətrafa yayılan musiqi sədaları, şən rəqslər, Vətənə həsr olunmuş şerlər bir daha təsdiq edirdi ki, uşaqlar Azərbaycanın xoşbəxt gələcəyidir.
Foyedə uşaqların və tərbiyəçilərin bədii yaradıcılığını əks etdirən sərgi açılmışdır.
Sarayın qarşısındakı mərkəzi meydanda üstündə “Dünya bizim ümumi evimizdir” mövzusunda uşaq rəsmləri müsabiqəsi keçirilmişdir
