SUMQAYITLILAR ƏN YAXŞILAR SIRASINDADIRLAR
Sumqayıt Gənclər və İdman İdarəsi 2007-ci ilin nəticələrinə görə “Gənclər ili”nin mükafatçısı olmuşdur. Gənclər və İdman Nazirliyi “Gənclər ili” çərçivəsində silsilə elmi-kütləvi proqramlar, yaradıcılıq tədbirləri, habelə gənclərin asudə vaxtlarının təşkili üzrə maraqlı layihələr həyata keçirmişdir.
Sumqayıt şəhər Gənclər və İdman İdarəsi Mingəçevir, Quba və Şəkinin müvafiq idarələri ilə yanaşı, “İlin idarəsi” nominasiyasının qalibi olmuşdur.
Ötən ilin nəticələrinə görə, Sumqayıt idmançıları da fərqlənmişlər. Afinada keçirilmiş Paralimpiya Oyunlarının cüdo üzrə çempionu İlham Zəkiyev ilin ən yaxşı paralimpiya idmançısı, onun hamisi - respublikanın əməkdar məşqçisi Əhməd Rəcəbli isə ən yaxşı paralimpiya məşqçisi sayılmışdır.
Qeyd edək ki, artıq şəhərin 5 idmançısı bu il Pekində keçiriləcək Paralimpiya Oyunlarına lisenziya qazanmışdır.
Bölmənin digər xəbərləri
