“Şuşa – sənətkarlıq və ticarət mərkəzi” adlı videoçarx hazırlanıb
Bakı, 31 dekabr, AZƏRTAC
Dövlət Tərcümə Mərkəzi ölkədə elan edilmiş “Şuşa İli”nə töhfə olaraq Azərbaycanın musiqi və mədəniyyət beşiyi Şuşanın qədim tarixindən, beynəlxalq ticarət əlaqələrindən, xalçaçılıq, dulusçuluq, zərgərlik və digər peşələrin yaranma və inkişafı mərhələlərindən bəhs edən “Şuşa - sənətkarlıq və ticarət mərkəzi” adlı sənədli videoçarx hazırlayıb.
Tərcümə Mərkəzindən AZƏRTAC-a bildirilib ki, beynəlxalq internet məkanında Azərbaycan, ingilis, rus, ispan, fransız, alman, türk, çex, gürcü, fars, ərəb və Ukrayna dillərində yayınlanacaq videoçarx xarici ölkələrin Azərbaycanda akkreditə olunmuş səfirlik və nümayəndəliklərinə, eləcə də bir çox dünya kütləvi informasiya vasitələrinə göndərilib.
Videoçarxla bu linkdən - https://www.youtube.com/watch?v=g-waSbw6TaY&t=6s tanış olmaq olar.
Bölmənin digər xəbərləri
