Sutka ərzində İranda koronavirusdan 184 nəfər ölüb
Tehran, 23 sentyabr, AZƏRTAC
İranda koronaviusa qarşı mübarizə tədbirlərinin davam etməsinə baxmayaraq problemin həllinə nail olunmayıb.
AZƏRTAC İranın Səhiyyə Nazirliyinin açıqlamasına istinadla xəbər verir ki, sentyabrın 23-də 3 min 605 nəfər virusa yoluxub, 184 nəfər isə vəfat edib. Bununla da İranda virusa yoluxanların sayı 432 min 798 nəfərə, ölənlərin sayı isə 24 min 840-a çatıb.
Nazirliyin açıqlamasında o da bildirilir ki, xüsusi xəstəxanalarda müalicə alan 3 mindən çox xəstənin vəziyyəti ağır olaraq qalır. Bu günə kimi İranda koronavirusa yoluxaraq müalicə alan 365 min 846 nəfər sağalaraq evə buraxılıb.
Rabil Kətanov
AZƏRTAC-ın xüsusi müxbiri
Tehran
Bölmənin digər xəbərləri
