AZƏRTAC-ın xüsusi müxbiri xəbər verir ki, Tacikistan prezidenti Emoməli Rəhmanovun fərmanı ilə bütün səviyyələrdə dövlət qulluqçularının etika kodeksi təsdiq olunmuşdur. Sənəd xidməti xarakter daşıyır və mətbuatda dərc edilməmişdir.

Tacikistan hökumətinin nümayəndəsi bildirmişdir ki, sənəddə dövlət qulluqçularının əxlaq normaları və davranışı, əhali arasında onların nüfuzunun qaldırılması, xidməti vəzifələrini vicdanla yerinə yetirilməsi və digər normalar əks olunmuşdur.

Fərmanda korrupsiya ilə ciddi mübarizə və belə halların aradan qaldırılması dövlət qulluqçularının qarşısına təxirəsalınmaz vəzifə kimi qoyulur.