Tacikistanla torpaqların idarəedilməsi sahəsində əməkdaşlıq müzakirə edilib
Bakı, 12 iyun, AZƏRTAC
İqtisadiyyat Nazirliyi yanında Əmlak Məsələləri Dövlət Xidmətinin rəisi Mətin Eynullayev Tacikistanın Dövlət Torpaq İdarəetmə və Geodeziya Komitəsinin sədri Xocazadə Orifin rəhbərlik etdiyi nümayəndə heyəti ilə görüşüb.
AZƏRTAC Əmlak Məsələləri Dövlət Xidmətinə istinadla xəbər verir ki, görüşdə qarşılıqlı əməkdaşlıqdan məmnunluq vurğulanıb, torpaqdan istifadə və mühafizəyə dövlət nəzarəti, daşınmaz əmlakın qeydiyyatı, kadastrı, o cümlədən geodeziya sahələrində təcrübə mübadiləsi aparılıb.
Tərəflər reyestr və kadastr məlumatlarından səmərəli istifadə, milli məkan infrastrukturunun qurulması və digər potensial əməkdaşlıq istiqamətlərini nəzərdən keçiriblər.
Bölmənin digər xəbərləri
