TADEF sədrinin müavini: Seçici fəallığının başlıca səbəbi işğal altındakı torpaqlarımızın azad edilməsidir
İstanbul, 7 fevral, AZƏRTAC
Bu il ümumilikdə Türkiyə Respublikasında, xüsusilə İstanbul və ətraf bölgələrdə yaşayan vətəndaşlarımızın seçkilərdə yüksək fəallığı müşahidə olundu. Təbii ki, bu fəallığın başlıca səbəbi 30 il işğal altında olan torpaqlarımızın azad edilməsidir.
Bu fikirləri AZƏRTAC-a müsahibəsində Türkiyə-Azərbaycan Dərnəkləri Federasiyasının (TADEF) sədr müavini Pərviz Məmmədzadə ifadə edib.
TADEF sədrinin müavini bildirib ki, Türkiyədəki seçici fəallığının əsas səbəblərindən biri də dövlətimizin qardaş ölkədə yaşayan həmvətənlərimizə göstərdiyi qayğıdır: “Diasporla İş üzrə Dövlət Komitəsinin təşəbbüsü ilə dövlət qurumlarımız tərəfindən, uzun illərdir Türkiyədə sənədsiz yaşayan Azərbaycan Respublikası vətəndaşlarına 3000 dən artıq pasport və digər sənədləri təqdim edilib. Fikrimcə, dövlət qayğısını hiss etmələri də soydaşlarımızın vətəndaşlıq duyğularının möhkəmlənməsində mühüm rol oynadı”.
Pərviz Məmmədzadə vətəndaşlarımız arasında təbliğat-təşviqat işinin aparılması və onların seçkilərə cəlb olunması prosesində TADEF-in və üzv dərnəklərin də rolunu qeyd edib.
Bölmənin digər xəbərləri
