“Tank” ləqəbli kikboksçumuz Xəyal Əhmədov növbəti döyüşünə çıxacaq
Bakı, 28 sentyabr, AZƏRTAC
Azərbaycan Kikboksinq Federasiyasının idmançısı, nüfuzlu beynəlxalq yarışların qalibi, dünya çempionu, “Tank” ləqəbli məşhur kikboksçu Xəyal Əhmədov oktyabrın 6-da Almaniyanın Bohum şəhərində növbəti döyüşünə çıxacaq.
AZƏRTAC xəbər verir ki, Xəyal Əhmədov almaniyalı rəqibi Lukas Boçenskiyə qarşı döyüşəcək.
“İnanıram ki, döyüşdən qələbə ilə ayrılacağam. Hər döyüşdən nəsə öyrənirəm. Bu dəfə də məni çətin və məsuliyyətli döyüş gözləyir. Arzumdur ki, çox sevdiyim üçrəngli bayrağımızı zirvələrə qaldırım”, - deyə idmançı qeyd edib.
Qeyd edək ki, Xəyal Əhmədov bir sıra beynəlxalq yarışların qalibidir. Əsasən peşəkar sahədə döyüşür.
Bölmənin digər xəbərləri
