Tarix Muzeyində Aprel döyüşləri şəhidi Samir Kaçayevə aid material qorunur
Bakı, 7 aprel, AZƏRTAC
Milli Azərbaycan Tarixi Muzeyinin Vətən müharibəsi fondunda heykəltaraş, Aprel döyüşləri şəhidi Samir Kaçayevin təsviri olan qobelen qorunur. Bu sənət əsəri Azərbaycan Dövlət Rəssamlıq Akademiyasının (ADRA) məzunu Jalə Əzizova tərəfindən hazırlanaraq muzeyə təqdim edilib.
Bu barədə AZƏRTAC-a muzeydən məlumat verilib.
Samir Kaçayev 1994-cü ildə Şamaxı şəhərində anadan olub. 2011-ci ildə orta təhsilini bitirən S.Kaçayev Azərbaycan Dövlət Rəssamlıq Akademiyasında təhsil alıb. O, 2016-cı ildə Aprel döyüşlərində mərdlik və igidlik nümunəsi göstərib və həmin döyüşlər zamanı şəhidlik zirvəsinə yüksəlib.
Samir Kaçayev “İgidliyə görə” medalı ilə təltif olunub.
Bölmənin digər xəbərləri
