“Tata Steel Masters”: Şəhriyar Məmmədyarov növbəti turda Hindistan təmsilçisi ilə mübarizə aparacaq
Bakı, 29 yanvar, AZƏRTAC
Yanvarın 29-da Niderlandın Veyk-an-Zee şəhərində “Tata Steel Masters” şahmat turnirinin 12-ci turunun oyunları keçiriləcək.
AZƏRTAC xəbər verir ki, Azərbaycan təmsilçisi Şəhriyar Məmmədyarov növbəti turda hindistanlı Vidit Santoş ilə mübarizə aparacaq.
Qeyd edək ki, 11 turdan sonra Ş.Məmmədyarov 6,5 xalla üçüncü-dördüncü yerləri bölüşür. Turnir cədvəlinə 7,5 xalla hazırkı dünya çempionu, norveçli Maqnus Karlsen başçılıq edir.
Dairəvi sistem üzrə keçirilən yarış 13 turdan ibarətdir.
Turnirdə 14 şahmatçı iştirak edir.
Bölmənin digər xəbərləri
