Təbrizdə “Xocalı soyqırımı – insanlığa qarşı cinayət” mövzusunda konfrans keçiriləcəkdir
Təbriz, 18 fevral (AZƏRTAC). AZƏRTAC xəbər verir ki, Xocalı soyqırımının 19-cu ildönümü ilə bağlı Təbrizdə “Xocalı soyqırımı - insanlığa qarşı cinayət” mövzusunda konfransı keçiriləcəkdir.
Azərbaycanın Təbrizdəki baş konsulluğunun təşkilatçılığı ilə keçiriləcək konfransda Xocalı soyqırımı qurbanlarının əziz xatirəsi yad ediləcək, ruhlarına dualar oxunacaqdır. Qanlı faciə ilə bağlı çıxışlar dinləniləcək, “Məhv edilmiş şəhər” sənədli filmi göstəriləcək, “Xocalı soyqırımı” fotosərgisi təşkil olunacaqdır.
“Xocalıya ədalət” rep üslubunda yazılmış mahnının klipinin və “Məhv edilmiş şəhər” sənədli filmin diskləri, həmçinin soyqırımı əks etdirən material, kitab və jurnallar iştirakçılara paylanacaqdır.
Konfransda İran rəsmiləri, bu ölkədə akkreditə olunmuş diplomatik nümayəndəliklərin rəhbərləri və s. iştirak edəcəklər.
Sabir Şahtaxtı
AZƏRTAC-ın xüsusi müxbiri
Təbriz
Bölmənin digər xəbərləri
