TEHRANDA AZƏRBAYCAN XALQININ ÜMUMMİLLİ LİDERİ HEYDƏR ƏLİYEVİN XATİRƏSİ DƏRİN EHTİRAMLA ANILMIŞDIR

13.12.2005 [21:14]
Çap et
A⁺ A^-

Azərbaycanın İrandakı səfirliyindən AZƏRTAC-a daxil olmuş məlumatda deyilir ki, Tehranın Fatemi meydanında yerləşən Nur məscidində ümummilli lider Heydər Əliyevin vəfatının ikinci ildönümü ilə əlaqədar keçirilən mərasimdə, ulu öndərin xatirəsini yad etmək üçün İrandakı diplomatik korpusun duayeni, Türkiyə səfiri Bozkurt Aran, Fələstin səfiri Səlah Zəvavi, Suriya səfiri Hamed Həsən, Yunanıstan səfiri Merkurios Karafotias, Qazaxıstan səfiri Sabit Tairov, Özbəkistan səfiri İlhom Akramov, Gürcüstan səfiri Levan Asatiani, Kuba səfiri Joze Ramon Rodriges, həmçinin Yaponiya, Tacikistan, Bolqarıstan, BƏƏ-nin diplomatları iştirak etmişlər.

İranın Gömrük Təşkilatının sədri Rəhbəri, İmdad Komitəsinin sədri Nəyyeri, daxili işlər nazirinin müavinləri Boləndian və Əhmədi, XİN-in 2-ci Müstəqil Ölkələr Birliyi İdarəsi Azərbaycan şöbəsinin müdiri Kondori, İranın Azərbaycandakı keçmiş səfiri Qəzai, keçmiş baş konsul Dəməşqiyyə, yerli KİV-in nümayəndələri, ziyalılar, Tehranda təhsil alan azərbaycanlı tələbələr, səfirliyimizin şəxsi heyəti, Tehrana qastrol səfərinə gələn xalq artistləri Lütfiyar İmanov və Ramiz Quliyev də mərasim iştirakçılarının arasında olmuşlar.

Mərasimdə ayətüllah Musəvi Ərdəbili çıxış edərək, ümummilli lider, dünya şöhrətli siyasi xadim Heydər Əliyevin siyasət aləmindəki yeri və rolu haqqında danışmışdır.

Tədbirin iştirakçıları ümummilli lider Heydər Əliyevin müəyyənləşdirdiyi siyasi xəttin müstəqil Azərbaycan Respublikasını qüdrətli dövlətə çevirəcəyinə əmin olduqlarını bildirmişlər.

TEHRANDA AZƏRBAYCAN XALQININ ÜMUMMİLLİ LİDERİ HEYDƏR ƏLİYEVİN XATİRƏSİ DƏRİN EHTİRAMLA ANILMIŞDIR

MÜƏLLİFLƏ ƏLAQƏ

Bölmənin digər xəbərləri