TƏHSİL MÜƏSSİSƏLƏRİNDƏ XOCALI FACİƏSİNİN İLDÖNÜMÜ İLƏ BAĞLI TƏDBİRLƏR KEÇİRİLƏCƏKDİR
Bakı, 19 fevral (AZƏRTAC). Təhsil Nazirliyindən bildirmişlər ki, nazir Misir Mərdanov təhsil müəssisələrində Xocalı soyqırımının ildönümünün keçirilməsi ilə bağlı əmr imzalamışdır.
Əmrə əsasən təsdiq olunmuş müvafiq tədbirlər planında fevralın 26-da məktəblərdə ilk dərslərin Xocalı soyqırımına həsr olunması, təhsil ocaqlarının internet saytlarında qanlı qırğınla bağlı məlumatların verilməsi, faciə qurbanlarının xatirəsini anma mərasimlərinin keçirilməsi, sənədli və bədii filmlərin nümayişi nəzərdə tutulmuşdur.
Tədbirlərin təşkili ilə əlaqədar təhsil müəssisələrinin rəhbərlərinə lazımi tapşırıqlar verilmişdir.
Bölmənin digər xəbərləri
