TƏHSİL SAHƏSİNƏ AİD 33 LAYİHƏ YAPON QRANTI HESABINA REALLAŞDIRILMIŞDIR
Təhsil naziri Misir Mərdanov AZƏRTAC-ın müxbirinə demişdir ki, indiyədək proqram çərçivəsində reallaşdırılan layihələr içərisində 33-ü təhsil sahəsini əhatə etmişdir. Lap bu yaxınlarda isə daha iki layihə imzalanmışdır. Həmin sənədlərə əsasən, Salyan rayonunun Kərimbəyli kəndində və məcburi köçkün uşaqları üçün Binəqədi rayonunun Sulutəpə qəsəbəsində məktəb binaları tikiləcəkdir.
Nazir xatırlatmışdır ki, adı çəkilən qrant proqramı sayəsində Qusar və Qax rayonlarında iki məktəb binasının tikintisi bu günlərdə başa çatdırılmışdır.
Bölmənin digər xəbərləri
