TEYMUR RƏCƏBOV VEYK-AN-ZEE TURNİRİNDƏ UĞURLU START GÖTÜRMÜŞDÜR
AZƏRTAC xəbər verir ki, Hollandiyanın Veyk-an-Zee şəhərində keçirilən ənənəvi beynəlxalq şahmat turnirində iki tur arxada qalmışdır.
Azərbaycan şahmatçısı Teymur Rəcəbov ikinci turda rusiyalı Vladimir Kramniklə heç-heçə oynamışdır. İlk görüşdə dünya çempionu Vişvanatan Anandı məğlubiyyətə uğratmış T.Rəcəbov 1,5 xalla liderlər qrupundadır.
Turnirin digər iştirakçısı - Şəhriyar Məmmədyarov birinci turda Norveç şahmatçısı Maqnus Karlsenə uduzsa da, Vişvanatan Anandla keçirdiyi növbəti görüşünü “sülh”lə bitirmişdir.
Həmyerlimiz iki turdan sonra 0,5 xal toplamışdır.
Bölmənin digər xəbərləri
