TEZLİKLƏ METRONUN “NƏSİMİ” STANSİYASINDA TİKİNTİ-QURAŞDIRMA İŞLƏRİNƏ BAŞLANACAQDIR
Metronun “Memar Əcəmi” və 6-cı mikrorayonda açılacaq “Nəsimi” stansiyalarını birləşdirəcək tunellərin yarımçıq qalan 1000 metrlik hissənin tikintisinə başlanılacaqdır.
“Azərtunelmetrotikinti” Açıq Səhmdar Cəmiyyətindən AZƏRTAC-ın müxbirinə demişlər ki, həm “Nəsimi”, həm də 7-ci və 8-ci mikrorayonların arasında yerləşəcək “Azadlıq prospekti” stansiyalarında tikinti-quraşdırma işləri başa çatdırılacaqdır. Əgər, metro inşaatçıları maliyyə problemləri ilə üzləşməsələr, yeraltı yolların bu hissəsində qatarların hərəkəti üç ildən sonra mümkün olacaqdır. Həmin müddətdə tunellərin və stansiyaların mühəndis qurğuları, relsləri, işıqlandırma və rabitə-işarəvermə avadanlığı quraşdırılacaqdır.
Bölmənin digər xəbərləri
