“Tottenhem” La Liqadan hücumçu transfer edib
Bakı, 26 yanvar, AZƏRTAC
İngiltərənin “Tottenhem” futbol klubu İspaniya La Liqasında mübarizə aparan “Vilyarreal”ın üzvü Arnaut Danyumanı transfer etdiyini açıqlayıb.
AZƏRTAC xəbər verir ki, komanda bunu rəsmi sosial şəbəkə hesablarında elan edib.
İyirmi beş yaşlı niderlandlı hücumçu icarə əsasında komandaya qoşulub. O, mövsümün sonuna qədər İngiltərə Premyer Liqasında mübarizə aparacaq.
Komanda hücumçunu birbaşa transfer etməkdə maraqlıdır. “Vilyarreal” hücumçunun transferinə görə 35 milyon avro tələb edir.
2021-ci ildən “Vilyarreal”da çıxış edən Danyuma 33 matçda 12 qola imza atıb.
Bölmənin digər xəbərləri
