TRACECA-nın Azərbaycan hissəsində 32,7 milyon ton yük daşınıb
Bakı, 17 dekabr, AZƏRTAC
Cari ilin yanvar-oktyabr aylarında Avropa-Qafqaz-Asiya nəqliyyat dəhlizinin (TRACECA) Azərbaycan hissəsində daşınmış yüklərin həcmi 32,7 milyon ton, yük dövriyyəsi isə 7 milyard 731,2 milyon ton-kilometr olub.
Dövlət Statistika Komitəsindən AZƏRTAC-a bildirilib ki, yüklərin 17 milyon 968,2 min tonu və ya 54,9 faizi avtomobil nəqliyyatı, 10 milyon 631,3 min tonu və ya 32,4 faizi dəmir yolu nəqliyyatı, 4 milyon 169,8 min tonu və ya 12,7 faizi dəniz nəqliyyatı ilə daşınıb.
Dəhliz vasitəsilə daşınmış yüklərin 20,8 faizini və ya 6 milyon 821,8 min tonunu tranzit yüklər təşkil edib.
Bölmənin digər xəbərləri
