TRENİNQ MƏRKƏZİ İLK MƏRHƏLƏNİ BAŞA ÇATDIRMIŞDIR

13.05.2004 [13:39]
Çap et
A⁺ A^-

“Azneftkimyamaş” Açıq Səhmdar Cəmiyyətinin neft maşınqayırma sahəsində çalışan mühəndis-texnik heyətinin təkmilləşdirilməsi üçün təşkil edilən Treninq mərkəzi ilk mərhələnin tədris kurslarını başa çatdırmışdır.

Səhmdar cəmiyyətindən AZƏRTAC-ın müxbirinə bildirmişlər ki, yapon mütəxəssislər tərəfindən aparılan kurslarda APİ və İSO-9001 beynəlxalq sertifikatlarına layiq görülən 6 müəssisənin mühəndis-texnikləri daxili audit, keyfiyyət üzrə menecer metalları, avadanlığı test üsulu ilə yoxlaya bilən, habelə layihələri avtomatik üsulla tərtib etməyi bacaran yüksək səviyyəli mütəxəssis kimi hazırlanmışlar. Kursları bitirən 142 nəfər yerli mütəxəssisə müvafiq sertifikatlar verilmişdir.

Xatırladaq ki, Yaponiyanın “Cetra” firması bu məqsədlə 13 milyon ABŞ dolları məbləğində qrant ayırmışdı.

Səhmdar cəmiyyəti qalan on bir müəssisənin APİ və İSO-9001 beynəlxalq sertifikatı alması üçün ikinci mərhələni də davam etdirmək niyyətindədir.