Tunisin “Esperans” klubu Afrika Çempionlar Liqasının üçqat qalibidir
Bakı, 10 noyabr, AZƏRTAC
Afrika Çempionlar Liqasının final matçının cavab oyununda Tunisin “Esperans” klubu Misirin “Əl-Əhli” komandasını 3:0 hesabı ilə məğlub edib. Bu komandaların ilk görüşündə misirlilər 3:1 hesabı ilə qələbə qazanmışdı.
AZƏRTAC xəbər verir ki, bu qələbə nəticəsində “Esperans” klubu Afrika Çempionlar Liqasının üçqat qalibi olub. Tunislilər bu titulu 1994 və 2011-ci illərdə də qazanıblar.
Afrika Çempionlar Liqasının üçqat çempionları arasında Kamerunun “Kanon Yaunde”, Mərakeşin “Raca” və Qvineyanın “Həfiyə” klubları da var. Bu turnirdə ən çox çempionluq titulunu isə Misirin “Əl-Əhli” komandası qazanıb. Bu klubun hesabında səkkiz qələbə var. Misirin digər klubu - “Zamaleka” və Konqo Demokratik Respublikasının “Mazambe” komandası Afrika Çempionlar Liqasının beşqat qalibidirlər.
Bölmənin digər xəbərləri
