Türk nümayəndə: Planlaşdırma tədbirlərinin müsbət ekoloji və sosial nəticələr yaradacağı gözlənilir
Bakı, 22 may, AZƏRTAC
Ümumi nəticə olaraq deyə bilərəm ki, aparılan qiymətləndirmə daha kompakt və inteqrasiya olunmuş inkişaf yanaşmalarının region üçün daha dayanıqlı nəticələr verdiyini təsdiqləyir. Oxşar əsas narahatlıqlar çərçivələndirmə və məsləhətləşmə görüşləri zamanı da səsləndirilib və aidiyyəti maraqlı tərəflərdən daxil olan bütün rəy və təkliflər SEA hesabatına daxil edilib.
AZƏRTAC xəbər verir ki, bunu Türkiyənin Ətraf Mühit, Şəhərsalma və İqlim Dəyişikliyi Nazirliyinin Strateji Ekoloji Qiymətləndirmə şöbəsinin direktoru Nihan Şahin Hamamçı BMT-nin Ümumdünya Şəhərsalma Forumunun 13-CÜ Sessiyası (WUF13) çərçivəsində keçirilən “Şəhərsalmada iqlim hədəflərinə nail olmaq üçün Strateji Ətraf Mühitin Qiymətləndirilməsi vasitə kimi” adlı tədbirin panel sessiyasında çıxış edərkən deyib.
“Qiymətləndirmə nəticəsində müəyyən olunub ki, planlaşdırma tədbirlərinin əksəriyyətinin müsbət ekoloji və sosial nəticələr yaradacağı gözlənilir. Bununla belə, bəzi regional inkişaf fəaliyyətləri iqlim dəyişikliyi baxımından orta səviyyəli mənfi təsirlər yarada bilər. Bunlara karbon uducularının azalması, enerji tələbatının artması, emissiyaların yüksəlməsi, su çatışmazlığı və daşqın riskləri daxildir. Buna uyğun olaraq, şəhərlərin dayanıqlığını gücləndirmək məqsədilə kompakt inkişaf modeli, enerji səmərəliliyi, təbiət əsaslı həllər, yaşıl infrastruktur və risklərin idarəolunması kimi yumşaldıcı tədbirlər hazırlanıb”, - deyə o vurğulayıb.
Bölmənin digər xəbərləri
