WUF13-də Əqəbə Xüsusi İqtisadi Zonasının şəhərsalma və mənzil layihələri təqdim olunub
Bakı, 22 may, AZƏRTAC
Şəhərlərdə son 20 ildə müşahidə olunan inkişaf dinamikası gələcəkdə əhali artımının iki dəfə olacağını göstərir və bu səbəbdən mənzil tələbatının planlı şəkildə qarşılanması xüsusi əhəmiyyət daşıyır.
AZƏRTAC xəbər verir ki, bunu İordaniyanın Əqəbə Xüsusi İqtisadi Zonası İdarəsinin infrastruktur və şəhər məsələləri üzrə komissarı Mutasem Hindavi Bakıda keçirilən BMT-nin Ümumdünya Şəhərsalma Forumunun 13-cü Sessiyası (WUF13) çərçivəsində keçirilən növbəti tədbirdə çıxışı zamanı deyib.
Mutasem Hindavi qeyd edib ki, əsas layihələrdən biri olan “Airport East Housing Scheme” çərçivəsində birinci mərhələdə 180 min sakin üçün 14 min torpaq sahəsinin ayrılması nəzərdə tutulur və bu mərhələnin 2030-cu ildə tamamlanması planlaşdırılır. İkinci mərhələdə 2035-ci ilədək 30 min, üçüncü mərhələdə isə 2040-cı ilədək 67 min torpaq sahəsinin təmin edilməsi nəzərdə tutulur.
Komissar vurğulayıb ki, gələcək şəhərsalma yanaşmalarında azkarbonlu və zəlzələyədavamlı tikinti standartlarına əsaslanan yeni tikinti kodunun tətbiqi ilə dayanıqlı yaşayış mühitinin formalaşdırılması hədəflənir. Şəhərin inkişaf planlarında “Marsa Zayid” qarışıq funksiyalı sahil zonası, Şimal biznes rayonu və digər yeni yaşayış əraziləri mühüm yer tutur.
Bölmənin digər xəbərləri
