TÜRKİYƏ HOLLANDİYANIN SİYASİ PARTİYALARININ QONDARMA “ERMƏNİ SOYQIRIMI” İLƏ BAĞLI BƏYANATLARINA ETİRAZINI BİLDİRMİŞDİR
Namik Tan demişdir: “Sözdə “erməni soyqırımı” ilə əlaqədar iddiaların tarixi həqiqət kimi qəbul edilməsi mümkün deyildir. Türkiyə 1915-ci ildə baş verən hadisələrin elmi araşdırılmalarını həyata keçirmək üçün bütün arxivlərini, o cümlədən hərbi arxivləri açmışdır. Ölkəmiz Türkiyə və Ermənistandan olan alimlərin iştirakı ilə bir komissiya yaradılmasını da təklif etmişdir. Amma, bütün bu addımlara rəğmən, erməni tərəfi həqiqətlərin üzə çıxmasında maraqlı deyil”.
Bu arada, əvvəllər Avropa Parlamentində Türkiyə haqqında hesabatın ilkin variantına səs vermiş Belçika Xristian Demokratik Partiyasının Avropa Parlamentindəki 3 deputatı, bu addımlarının səhv olduğunu etiraf edərək, qondarma “erməni soyqırımı” məsələsinin Türkiyənin Avropa İttifaqına üzvlüyü ilə heç bir əlaqəsi olmadığı barədə bəyanatla çıxış etmişlər.
Bölmənin digər xəbərləri
