TÜRKİYƏ LİVANA YARDIMI ARTIRMAQ NİYYƏTİNDƏDİR
O demişdir: “Türkiyə Livan Nazirlər Kabinetinin bəyəndiyi bu planı tamamilə dəstəkləyir və inanır ki, onun həyata keçirilməsi möhkəm sülh və sabitlik yaranmasına gətirib çıxaracaqdır”. Abdullah Gül bildirmişdir ki, Türkiyə hökuməti və Qızıl Aypara Cəmiyyəti Livanda hərbi əməliyyatların, əslində, lap əvvəlindən bu ölkənin sakinlərinə yardım göstərməyə başlamışdır. Bundan sonra biz Livan xalqına yardımın həcmini daha da artıracağıq, çünki bunu özümüzə borc bilirik.
Türkiyə XİN-in başçısı Livana hərbi kontingent göndərilməsinin mümkünlüyünü şərh edərək bildirmişdir ki, bu məsələyə baxılır.
Türkiyənin “Cihan” agentliyinin xəbərinə görə, Livan XİN-in başçısı Fəvzi Səlluh türk həmkarı ilə görüşdən sonra demişdir: “Çox güman ki, Türkiyə qoşunları BMT-nin Livana göndərəcəyi müvəqqəti qüvvələrin tərkibinə daxil olacaqlar”.
Türkiyə mətbuatı yazır ki, Ankaranın Livana hərbi kontingent göndərməsi məsələsi artıq yaxın günlərdə həll oluna bilər.
Bölmənin digər xəbərləri
