Türkiyə Prezidenti: Ümumi məsuliyyətimiz növbəti ildə sülhün ildönümünü qeyd etməkdir
Kiyev, 24 fevral, AZƏRTAC
Bu müharibənin dördüncü ilində biz çox gözəl başa düşürük ki, diplomatiyaya, danışıqlar prosesinə maraq getdikcə artır. Gələn il müharibənin deyil, sülhün qeyd olunmasını təmin etmək bizim ümumi məsuliyyətimizdir. Türkiyə ədalətli və davamlı sülhün bərqərar olması üçün hər cür səy göstərməyə davam edəcək. Odur ki, mən 2025-ci ildə sülhün bərqərar olacağına ümid edirəm.
AZƏRTAC xəbər verir ki, bu sözləri Türkiyə Prezidenti Rəcəb Tayyib Ərdoğan “Ukraynaya dəstək” plenar iclasında videoformatda çıxışı zamanı deyib.
O vurğulayıb ki, Ukraynanın tərəfdaşlarının ümumi məsuliyyəti gələn il genişmiqyaslı müharibənin deyil, sülhün ildönümünü qeyd etməkdir.
Siyasətçinin qeyd etdiyi kimi, Türkiyə əvvəldən tammiqyaslı müharibənin əleyhinə olub, indi də diplomatiya və danışıqlar formatında yardım göstərməkdə davam edir. Rəcəb Tayyib Ərdoğan Ukraynanın ərazi bütövlüyü, suverenliyi və müstəqilliyinə dəstək verməyə çağırıb.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
