Türkiyə Prezidentinin Baş müşaviri: Qarabağ Azərbaycanın mədəniyyət, sənaye və turizm mərkəzidir
Xankəndi, 8 aprel, AZƏRTAC
Qarabağ Azərbaycanın mədəniyyət, sənaye və turizm mərkəzidir. Hazırda dünyada müxtəlif siyasi və iqtisadi güc mərkəzləri mövcuddur. Qarabağın uzun müddət işğal altında qalması Cənubi Qafqaz regionunda qeyri-sabitliyə səbəb olub. Hazırda Azərbaycan öz ərazi bütövlüyünü bərpa edən güclü bir dövlətdir.
AZƏRTAC xəbər verir ki, bunu Türkiyə Prezidentinin Baş müşaviri Çağrı Erhan aprelin 8-də Xankəndidə keçirilən 7-ci ADA Siyasi Forumu çərçivəsində “Geosiyasi dəyişikliklər və onların regional suverenliyə təsiri” mövzusunda paneldə çıxışında deyib.
"Türkiyə bu mənada hər zaman Azərbaycanın mövqeyini dəstəkləyib. Türkiyə regionda sülhün və sabitliyin möhkəmləndirilməsində maraqlıdır. Əlbəttə ki, Qarabağın işğaldan azad olunması təkcə Azərbaycanın deyil, bütövlükdə Cənubi Qafqazın inkişafına mühüm töhfələr verəcək”, - deyə Çağrı Erhan vurğulayıb.
Azərbaycanın Cənubi Qafqaz regionunda öz maraqları çərçivəsində siyasət yeridən ölkə olduğunu diqqətə çatdıran Çağrı Erhan bildirib ki, Türkiyə Azərbaycanın bu istiqamətdəki siyasi gedişlərini dəstəkləyir.
Bölmənin digər xəbərləri
