Türkiyə XİN Əfqanıstan ilə Pakistan arasında atəşkəsin əldə olunmasını alqışlayıb
İstanbul, 19 oktyabr, Günel Karatepe, AZƏRTAC
Türkiyənin Xarici İşlər Nazirliyi (XİN) Əfqanıstan ilə Pakistan arasında əldə olunan atəşkəslə bağlı açıqlama YAYIB.
AZƏRTAC xəbər verir ki, nazirliyin açıqlamasında Türkiyə və Qətərin vasitəçiliyi ilə Dohada keçirilən görüşlərdə Əfqanıstanla Pakistan arasında atəşkəsin əldə olunması, eləcə də tərəflər arasında sülh və sabitliyin möhkəmləndirilməsi üçün mexanizmlərin yaradılması qərarının məmnunluqla qarşılandığı bildirilib.
Türkiyə XİN, həmçinin adıçəkilən görüşlərə ev sahibliyi edən Qətərin səylərini yüksək qiymətləndirdiyini vurğulayıb.
“Türkiyə iki qardaş ölkə arasında, eləcə də bölgədə dayanıqlı sülhün və sabitliyin təmin olunması istiqamətində göstərilən səyləri dəstəkləməyə davam edəcək”, - deyə açıqlamada vurğulanıb.
Bölmənin digər xəbərləri
