Türkiyədə bir sutkada koronovirusdan 79 nəfər dünyasını dəyişib
Ankara, 4 noyabr, AZƏRTAC
Türkiyədə yeni növ koronavirus (COVID-19) pandemiyası ilə mübarizə tədbirlərini gücləndirmək üçün bəzi qadağaların yenidən tətbiqinə başlanılıb. Qadağalar vilayətlər, şəhərlər və sahələr üzrə fərqlidir. Qadağaların yenidən gündəmə gəlməsinə səbəb virusun yayılma riskinin sürətlə artmasıdır.
AZƏRTAC Səhiyyə Nazirliyinə istinadla xəbər verir ki, noyabrın 4-də Türkiyədə 146 min 247 nəfər testdən keçirilib. Onlardan 2343 nəfərin nəticəsi müsbət çıxıb. Gün ərzində bu xəstəlikdən 79 nəfər ölüb, 1817 nəfər isə sağalıb. İndiyədək ölkə üzrə koronavirus infeksiyasına yoluxanların sayı 382 min 118 nəfərə çatıb. Koronavirusdan indiyədək 10 min 481 nəfər həyatını itirib.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
