Türkiyədə doğum nisbətinin dəstəklənməsi tədbirləri üzrə tövsiyələr hazırlanıb
Ankara, 12 mart, AZƏRTAC
Türkiyədə ilk doğuşun orta yaş həddi 2024-cü ilin sonuna qədər 27,3 yaşa çatıb ki, bu da Avropa İttifaqının göstəricilərindən daha pisdir. Bu həyəcanverici tendensiya fonunda hökumət doğum nisbətini artırmaq üçün təcili tədbirlər görməlidir.
AZƏRTAC xəbər verir ki, bu açıqlamanı ölkənin doğum siyasətini modelləşdirən Karabük Universitetinin sosioloqları veriblər.
Ekspert proqnozlarına görə, Türkiyədə doğum nisbəti qarşıdakı illərdə reproduktiv səviyyədən aşağı qalmağa davam edəcək. Bundan əlavə, mövcud doğum nisbətləri davam edərsə, 17 yaşdan kiçik uşaq və yeniyetmələrin nisbəti 2040-cı ilə qədər 16,7%-ə azala bilər.
Türkiyədə doğum nisbətini artırmaq üçün sosioloqlar bir sıra tövsiyələr irəli sürüblər. Bu tədbirlərə ənənəvi toy mərasimlərinin maliyyə yükünü azaltmaq, təkcə işləyən qadınları deyil, həm də evdar qadınları əhatə edən inklüziv dövlət dəstəyi siyasəti həyata keçirmək, uşaqların sayından asılı olaraq müvafiq il üçün minimum əməkhaqqı əsasında ailələrə məktəbəqədər təhsilə çıxış üçün dəstək ayırmaq, çoxuşaqlı ailələrə öz evlərini almağa imkan verən güzəştli və ya faizsiz ipoteka kreditləri vermək və doğuşdan sonrakı dövrdə işləyən qadınların iş saatlarını tənzimləmək daxildir.
Ramin Abdullayev
AZƏRTAC-ın xüsusi müxbiri
Ankara
Bölmənin digər xəbərləri
